Puxémonos estes días mans á obra coa limpeza do depósito de auga do que dispoñemos. Ésta ven dun manantial cercano, directamente desde o monte á finca, e que foi no seu momento o que daba servicio e abastecemento ó lugar.
Pozos e pilón.
Cando a roupa todavía se lavaba a man.
Cando chegamos, como todo o demáis, o depósito era un feixe de broza e estaba totalmente inutilizado: os reghos e tubos obturados, o interior cheo de maleza igual que todo o contorno, tuberias rotas, e o máis importante, non chegaba auga xa… o primeiro foi limpalo ó redor, limpalo interior, cambiar algunha tuberia e buscar, xa fora da finca, o susodito manantial.
Listo para ir enchendo.
Esta última parte inda non a demos resolto, xa que a xente maior da zona ten idea de máis ou menos dónde se atopaba, pero co paso dos anos a maleza fixono desaparecer, polo que atopalo nos dous intentos que fixemos foi ata o momento imposible.
Optamos finalmente por meter auga a presión cunha mangueira polo tubo que traería a auga do manantial, e ver si cun pouco de sorte a cousa funcionaba… e si, para a nosa sorpresa, a presión desatasca o manantial, inda que solo parcialmente. Conseguimos ter auga durante un par de días, pero progresivamente o caudal vai disminuindo ata volverse obturar, pero, ¡menos da unha pedra!
Como solución momentánea, teremos auga do manantial sempre que lle metamos a mangueira cada dous ou tres dias, pero teremos que volver tentar atopala raiz do problema, o nacemento do manantial, e limpalo de forma definitiva.